ՍՆՆԴԱՅԻՆ ԱՆԲԱՐԵՆՊԱՍՏ ՌԵԱԿՑԻԱՆԵՐԸ ՇՆԵՐԻ ԵՎ ԿԱՏՈՒՆԵՐԻ ՄՈՏ
Ընտանի կենդանիների բոլոր տերերն էլ իրենց կենդանիների համար ցանկանում են միայն լավագույնը։ Մեծ ուշադրությամբ ընտրում են նրանց ընտանի կենդանիների սնունդը, սիրով և զգուշորեն են վերաբերվում ու ուզում են համոզված լինել, որ վերջիններիս ապահովում են բավարար ֆիզիկական ակտիվությամբ և խնամքով: Այնուամենայնիվ, երբեմն մեր ընտանի կենդանիների մոտ կարող են արտահայտվել անբարենպաստ սննդային ռեակցիաներ, որոնք կարող են անհանգստություն և նույնիսկ լուրջ առողջական խնդիրներ առաջացնել: Այս բլոգի գրառման մեջ մենք կքննարկենք սննդի անբարենպաստ ռեակցիաներ, դրանց տեսակներն, ախտանիշներն, ախտորոշումն ու բուժումը:Տեսակները
Հայտնի է, որ շներն ու կատուները հաճախ տառապում են սննդային ալերգիայից և սննդային անհանդուրժողականությունից, ինչը կարող է հանգեցնել նաև սննդային անբարենպաստ ռեակցիաների:
Առաջնային կարևոր է տարբերակել երկու ամենատարածված տեսակները՝
Սննդային ալերգիաներ, որոնք առաջանում են որոշ սպիտակուցների կամ մթերքների նկատմամբ իմուն համակարգի հակազդեցության պատճառով։ Իմուն համակարգն արտադրում է հակամարմիններ, որոնք պայքարում են սպիտակուցների դեմ, որն էլ առաջացնում է ալերգիկ ռեակցիա։ Սննդային ալերգիայի պատճառ կարող է հանդիսանալ ցանկացած սնունդ, սակայն ամենահաճախ ալերգիայի պատճառ է հանդիսանում տավարի միսը, կաթնամթերքը, ցորենն ու սոյան։
Սննդային անհանդուրժողականություն, որն առաջանում է, երբ կենդանու մարսողական համակարգը չի կարողանում լիարժեք մարսել որոշակի մթերքներ։ Դա կարող է պայմանավորված լինել որոշակի ֆերմենտների պակասով կամ որոշակի բաղադրիչների նկատմամբ զգայունությամբ։ Ամենատարածվածն են լակտոզայի և գլյուտենի անհանդուրժողականությունը և երբեմն զգայունությունը որոշ տեսակի սպիտակուցների նկատմամբ։
Ախտանշանները
Անհանդուրժողականության ախտանշանները շատ տարբեր են և կախված են հակազդեցուցյան աստիճանից։ Ահա դրանցից մի քանիսը՝
- Մաշկի գրգռվածություն՝ քոր, կարմրություն, բշտիկներ
- Մարսողական խնդիրներ՝ լուծ, փսխում, փքվածություն
- Շնչառական խնդիրներ՝ հազ, փռշտոց, խռխռոց
- Անկաջի բորբոքում՝ կարմրություն, քոր, արտադրություն
Եթե նկատել եք վերը նշված ախտանիշները Ձեր շան կամ կատվի մոտ, դիմեք Ձեր անասնաբույժին։ Նա կօգնի Ձեզ ախտորոշել և նշանակել անհրաժեշտ բուժումը։
Հնարավոր անհանդուրժողականությունը հայտնաբերելու ընդհանուր մեթոդ է սննդամթերքի փորձնական բացառումը: Կերակրեք Ձեր ընտանի կենդանուն այնպիսի սնունդով, որը չի պարունակում ենթադրյալ ալերգեններ կամ անհանդուրժողականություն առաջացնող սնունդ։ Երբ ախտանիշները նվազեն կամ վերանան, Ձեր անասնաբույժն աստիճանաբար կվերսկսի տարբեր մթերքների ներմուծումը սննդակարգ՝ որոշելու համար, թե ինչն է հանդիսանումալերգիայի կամ անհանդուրժողականության պատճառ։ Որից հետո լավագույն լուծումը՝ տվյալ սննդի բացառումն է սննդակարգում․ Անասնաբույժը կարող է նաև նշանակել դեղեր, որոնք կօգնեն ազատվել ախտանիշներից։
Կենդանիների սննդակարգից բացառման փորձ կատարելիս ամենաարդյունավետ տարբերակներից մեկը միայն հիդրոլիզացված սպիտակուց պարունակող սնունդ տրամադրելն է: Սա կօգնի նվազեցնել արյան մեջ սպիտակուցի քանակը: Ընտանի կենդանու իմունային համակարգը իրականում չի կարող այս տեսակի սպիտակուցը որպես ալերգեն ճանաչել։
Օգնուտյուն Farmina Genius խորհրդատուներից
Խնդրի պատճառը հասկանալու համար, խորհուրդ ենք տալիս օգտագործել ֆունկցիոնալ սնունդ, որը կպարունակի եզակի ծագման սպիտակուց։
Farmina առաջարկում է նման սնունդ՝ զերծ ալերգեններից, հացահատիկներից և գլյուտենից։ Շարքը համապատասխանում է բոլոր պահանջներին՝ մարսողությունից մինչ մաշկային։
Կապ հաստատեք մեր մասնագետների հետ, եթե ունեք օգնության կարիք։
Ի վերջո, որպես ընտանի կենդանիների տերեր, կարևոր է տեղեկացված և զգոն լինել մեր բրդոտ ընկերների սննդի անբարենպաստ ռեակցիաների վերաբերյալ: Վաղ հայտնաբերելով և բուժելով այս ռեակցիաները ՝ մենք կօգնենք, որ մեր ընտանի կենդանիներն ունեն երջանիկ և առողջ կյանք: Մի մոռացեք պարբերաբար խորհրդակցել ձեր անասնաբույժի հետ և միշտ առաջնահերթություն տալ ձեր ընտանի կենդանու առողջությանը և բարեկեցությանը:
