ՓԻՍՈՅԻ ՀԵՏ ԽԱՂԱԼՈՒ ԺԱՄԱՆԱԿՆ Է
Փիսոները սիրում են խաղալԽաղալու նկատմամբ սիրո դրսևորումը փիսոների մոտ նկատելի է 3 շաբաթականից։ Փիսոն շարժում է պոչը կամ ողջ մարմինը և հիացմունքով նայում շուրջ բոլորը։ Առարկաներով խաղերը գնալով ավելի հետաքրքիր են դառնում։ Օրինակ թղթի կտորով խաղ՝ կարող է խփել թաթով, գցել և բռնել, գլորել և վազել հետևից իրական որսորդի պես։ Չորս շաբաթականից փիսոն սկսում է խաղալ մայրիկի և քույր-եղբայրների հետ։ Փիսոն հետապնդում է մայրիկի պոչը, մրցում մյուս ձագերի հետ, երբեմն նաև պայքարի մեջ մտնում։ Խաղերի օգնությամբ զարգանում է մկանային համկարգը, կենտրոնացումը, զգայունությունը և սովորում են շփվել։
Ինչպե՞ս ընտրել խաղալիքները
Թուղթը, ռետինե գնդակը, խցանը, պլաստիկը, կտորե կամ փետուրե առարկաները, պնդուկն ու պոպոքը, սոճու կոներն ու փայտիկներն օգնում են զարգացնել որսորդի բնազդը։ Կարևոր է խաղալիքները հավաքել սենյակի մի անկյունում՝ արկղի կամ դարակի մեջ։ Իհարկե փիսոն խաղալիս դրանք շաղ կտա տնով մեկ, բայց Դուք պետք է դրանք հավաքեք նույ տեղում ամեն օր։ Որպեսզի փիսոն չձանձրանա խորհուրդ ենք տալիս պարբերաբար նոր խաղալիքներ ավելացնել և հավաքել հները, քանի որ նոր առարկաները շարժում են հետաքրքրասիրությունը։
Միասնական խաղեր։ Ինչպե՞ս խաղալ փիսոյի հետ
Փիսոյի հետ խաղերը ուժեղ կապ են ստեղծում տիրոջ և կենդանու միջև։ Խորհուրդ է տրվում կազմակերպել խաղեր, որտեղ փիսոն ներգրավված կլինի Ձեր ընտանիքի առօրյայում։ Տվեք փիսոյին ընտրության հնարավորություն, այսպիսով Դուք կհասկանաք, թե ինչ նախասիրություններ ունի վերջինս։ Ահա մի քանի խորհուրդ՝
- Ներգրավեք փիսոյին տան մաքրության գործում՝ միասին փոխեք սպիտակեղենը, սրբեք հատակը, հավաքեք փոշիները, դասավորեք դարակները և այլն։
- Առարկաները, որոնք մեզ շրջապատում են տանը, կարող են վերածվել խոչընդոտների։ Կատուն կարող է մագլցել կամ անցնել աթոռի տակով, ինչպես նաև գալարապտույտ քայլել սեղանի ոտքերի արանքով։
- Վերցրեք քառակուսի թուփ, անցքեր բացեք վրան և ներսում թաքցրեք խաղալիք մուկ, որ փիսոն որսա վերջինիս։
- Թղթե ինքնաթիռ պատրաստեք և թող փիսոն այն փորձի որսալ թռիչքի պահին։
- Իտելեկտուալ խաղեր կազմակերպեք՝ թաքցրեք բաժակի տակ կեր կամ մուկիկ, և թող նա գտնի, թե որ բաժակի տակ է թաքնված մրցանակը։
