ՇԱՆ ՓՈՐԼՈՒԾՈՒԹՅՈՒՆ
Ինչպես մարդկանց, այնպես էլ շների մոտ փորլուծությունն առաջանում է աղեստամոքսային համակարգի գործառույթի խանգարման հետևանքով։ Ամեն կենդանու մոտ պատճառներն ու հաճախականությունը կարող է տարբերվել։Այս բլոգում կխոսենք թե՛ պատճառների, թե՛ խնդրի դեմ պայքարի տարբերակների մասին։
Փորլուծության հիմնական պատճառները
Փորլուծությունն աղիքային հիվանդություն է, որի հետևանքով աղիներն ավելի հաճախակի են գործում, իսկ կղանքը ջրիկ ։
Պատճառները կարող են շատ տարբեր լինել՝ սննդակարգ, սննդային անհանդուրժողականություն, վարակներ, մակաբույծներ։
Շան փորլուծության պատճառները կարող են տարբեր լինել, դրանցից են՝
- Կերի կամ սննդակարգի փոփոխություն՝ այլ ապրանքանիշի սնունդը կամ սննդակարգի փոփոխությունը կարող է աղեստամոքսային տրակտի խանգարման պատճառ հանդիսանալ, եթե անցումը չի արվում աստիճանաբար։ Խորհուրդ է տրվում անցումը կատարել աստիճանաբար (գրեթե 10 օրվա ընթացքում), որպեսզի կենդանին ընտելանա փոփոխությանը։
- Farmina-ի մասնագետները սիրով կօգնեն Ձեզ ավելի ճիշտ կազմակերպել անցումը
- Շան մարսողության համար անընդունելի սնունդ՝ հնարավոր է, որ Ձեր ընտանի կենդանին ուտի ինչ-որ բան, որը նա չի կարող մարսել՝ աղբ, շոկոլադ կամ այլ մարդկային սնունդ։ Եթե ունեք կասկածներ, որ Ձեր շունը վնասակար բան է կուլ տվել, անմիջապես դիմեք մասնագետի։
- Սննդային ալերգիա կամ անհանդուրժողականություն՝ հնարավոր է Ձեր շունն ունենա ալերգիա որոշակի բաղադրիչներից, ինչի պատճառով չկարողանա լիարժեք կերպով մարսել սնունդը
- Հիվանդություն, վարակներ, մակաբույծներ՝ Երբեմն փորլուծությունը կարող է լուրջ առողջական խնդիրների մասին հուշել։ Կարող է առաջանալ, եթե առկա են Մակաբույծներ (ճիճու, տզեր և այլն), Վարակներ (վիրուսային կամ բակտերիալ, ինչպիսիք են սալմոնելլան, ժանտախտը կամ պարվովիրուսը), Հիվանդություններ (լյարդի կամ երիկամների խնդիրներ)։ Եթե փորլուծությունը երկար է տևում և զուգորդվում է այլ ախտանիշներով, դիմեք անասնաբույժի
- Ֆիզիկական ազդակներ՝ փորլուծությունը կարող է առաջանալ նաև ջերմաստիճանի կտրուկ փոփոխությունից։
Ինչպես պայքարել փորլուծության դեմ
Իհարկե անհնար է իսպառ վերացնել փորլուծությունը, սակայն ահա մի քանի խորհուրդ, որոնց կարող եք հետևել՝
- Համբերություն՝ փորլուծության հետևանքները վերացնելը հաճախ ձանձրալի է և խնդիրը հիմնականում կարգավորվում է ինքն իրեն։
- Ստուգեք գույնը՝ միշտ ուշադրություն դարձրեք կղանքի գույնին, եթե նկատում եք ձևի փոփոխություն, արյան հետքեր, անհապաղ կապ հաստատեք անասնաբույժի հետ։ ՈՒզո՞ւմ եք հասկանալ կղանքի գույների նշանակությունը՝ կարդացեք հետևյալ հոդվածը.
- Հետևեք, որ բավականաչափ ջուր խմի՝ փորլուծության պատճառով շունը շատ հեղուկ է կորցնում, այդ պատճառով պետք է վստահ լինել, որ նա միշտ ունի թարմ ջուր։
- Հետևեք շան վարքին՝ եթե նկատեք, որ շունը չունի տրամադրություն և վարքը գնալով դեպի վատն է գնում, կապ հաստատեք մասնագետի հետ
Եթե ունեք հարցեր կամ վախեր փորլուծության վերաբերյալ, մեր մասնագետները սիրով կօգնեն։ Մենք ստեղծել ենք հատուկ բանաձև տվյալ խնդիր ունեցող կենդանիների համար՝ N&D Quinoa Digestion-ը կօգնի կարգավորել շան աղեստամոքսային տրակտի ֆունկցիան։
